Nagpasalamat ko sa atong mga Liloan Pulis nga abtik ug aktibo sa pagpanalipod sa atong mga estudyante. Dili lang kutob sa consistent police visibility sa atong mga eskwelahan, apan pila na ka semana silang nagpadayon sa school visitations ug coordination uban sa atong mga school heads isip kabahin sa atong kampanya batok bullying.
Nindot pud kaayo ilang mga initatives sama sa Mobile Library, Anti-Bullying ug Anti-Drugs Awareness Campaigns. Dako ni og tabang sa pag-guide sa atong mga kabatan-onan.
Pero at the end of the day, dako gihapon ang papel sa mga ginikanan. Kita nga mga ginikanan, atong tudluan ug disiplina ang atong mga anak. Unsa ang sakto ug sayop, unsaon pagrespeto sa uban, ug unsa ang consequences sa ilang mga binuhatan.
Salamat sa atong mga pulis, teachers, school heads, ug mga ginikanan nga naningkamot para sa mas luwas ug mas maayong environment para sa atong mga anak.