User Rating: 1 / 5
Liloan Food Street abli na
(Banat) | Updated October 3, 2016 - 12:00am
Kustomer ... Si Bise Mayor Vincent Franco “Duke” Frasco ang usa sa mga kustomer nga nipalit og barbeque sa gibuksan nga Liloan Food Street nga proyekto sa lokal nga kagamhanan ubos sa bag-ong administrasyon sa iyang asawa nga si Mayor Christina Frasco. — Hinatag nga hulagway
CEBU, Philippines - Pormal nga gibuksan niadtong Sabado ang Liloan Food Street diin mapalit sa mga bisita ang nagkalainlaing pagkaon gikan sa 14 ka barangay sa lungsod.
Gipahibawo ni Liloan Mayor Christina Frasco nga abli ang food street matag Sabado ug Domingo gikan sa alas 6 sa buntag hangtud sa alas 9 sa gabii.
Kini nahimutang kilid sa munisipyo diin kompleto sa luna alang sa kan-anan, musika, parking ingon man ang gipanindot nga pansayan nga gidesinyo sa usa ka pintor sa lungsod nga si Strozzi Abecel Rosende nga ilusad usab karong Oktubre 8.
Matud ni Frasco nga kabahin kini sa ilang pagpalambo sa turismo sa lungsod nga maila ang ilang mga produkto ug pagkaon.
Usa ka ordinansa ang gipalabang sa konseho nga gipangulohan sa bana ni Frasco nga si Bise Mayor Vincent Franco “Duke” Frasco aron pag-institutionalized sa kalihukan matag tapos sa semana.
Si Mayor Frasco mapasalamaton sa mga konsehal, department heads, mga kawani sa munisipyo, kapolisan, traffic enforcers ug mga vendors sa ilang kooperasyon nga magmalampuson ang proyekto.(BANAT NEWS)